Siva PamchAvaraNa Stotram-Telugu

శివ పంచావరణ స్తోత్రమ్
శ్రీ ఉపమన్యు మహర్షి శ్రీ కృష్ణునకు ఉపదేశించిన పంచావరణ స్తోత్రం చాలా విశిష్టమైనది. ఇందులో ఐదు ఆవరణలలో ఉండే అనేక దేవతలను ప్రార్థిస్తూ పరమేశ్వరుని శాసనంతో వారందరూ మనలను రక్షించాలనే ప్రార్థన ఉంటుంది. ఈ స్తోత్రం చదువుతున్నంతసేపు పరమేశ్వరుడు అమ్మవారితో కలసి ఆకాశంలో ఉండి ఈ స్తోత్రాన్ని చదివేవారిని చూస్తూ ఉంటారుట. పూజ్యగురువుల నాన్నగారు ఇది సేకరించి తనకోసం వ్రాసుకున్నారు. వీలున్నపుడల్లా గురువు గారు వారి సోదరులు  చదివేవారట.

ధ్యానం:
సకల భువన భూత భావనాభ్యాం, జనన వినాశవిహీన విగ్రహాభ్యాం
నరవరయువతీ వపుర్ధరాభ్యాం, సతతమహం ప్రణతోస్మి శంకరాభ్యాం
ఉపమన్యురువాచ:
స్తోత్రం వక్ష్యామి తే కృష్ణ! పంచావరణ మార్గతః
యోగేశ్వరమిదం పుణ్యం కర్మ యేన సమాప్యతే
జయ జయ జగదేకనాథ శంభో ప్రకృతి మనోహర నిత్యచిత్స్వభావ;
అపగతకలుష ప్రపంచవాచామపి మనసో పదవీమతీత తత్త్వ ...........1
స్వభావ నిర్మలాభోగ జయసుందర చేష్టిత;
స్వాత్మతుల్య మహాశక్తే జయ శుద్ధ గుణార్ణవ...2
అనంత కాంతి సంపన్న జయాసదృశ విగ్రహ;
అతర్క్య మహిమాధార జయానాకుల మంగళ...3
నిరంజన నిరాధార, జయనిష్కారణోదయ;
నిరంతర పరానంద జయ నిర్వృతి కారణ ..4
జయాతి పరమైశ్వర్య జయాతి కరుణాస్పద;
జయ స్వతంత్ర సర్వస్వ జయాసదృశ వైభవ...5
జయావృత మహావిశ్వ జయానావృత కేనచిత్;
జయోత్తర సమస్తస్య జయాత్యంత నిరుత్తర
జయాద్భుత జయాక్షుద్ర జయాక్షత జయావ్యయ;
జయామేయ జయామాయ జయా+అభయ జయా+అమల
మహాభుజ మహాసార మహాగుణ మహా కథ;
మహాబల మహా మాయ మహారస మహారథ;
నమః పరమదేవాయ నమః పరమహేతవే;
నమశ్శివాయ శాంతాయ నమశ్శివ తరాయతే
త్వదధీనమిదం కృత్స్నం జగద్ధిససురాసురం;
అతస్త్వద్విహితామాఙ్ఞాం క్షమతేకోతివర్తితుం
అయం పునర్జనో నిత్యం భవదేక సమాశ్రయః;
భవానతోనుగృహ్యాస్మై ప్రార్థితం సంప్రయచ్ఛతు
జయాంబికే జగన్మాతర్జయ సర్వ జగన్మయి;
జయానవధికైశ్వర్యే జయానుపమవిగ్రహే
జయవాఙ్మనసాతీతే జయాచిద్ధ్వాంత భంజికే ;
జయజన్మ జరాహీనే జయకాలోత్తరోత్తరే
జయానేక విధావస్థే జయానేక సుఖాత్మికే;
జయానేక మహాసత్త్వే జయానేక గుణోజ్ఝితే
జయానేక గుణాత్మస్థే జయలోక మహేశ్వరి;
జయవిశ్వాధికాత్మస్థే జయవిశ్వేశ్వరప్రియే
జయవిశ్వ సురారాధ్యే జయ మంగళదీపికే;
జయమంగళ చారిత్రే జయమంగళదాయిని
నమః పరమకళ్యాణి గుణ సంచయమూర్తయే;
నమశ్శివాయై విశ్వస్మాత్ పరస్మై శివశక్తయే
త్వత్తః ఖలు సముత్పన్నం జగత్త్వయ్యేవ లీయతే;
త్వద్వినాతః ఫలం దాతుం ఈశ్వరోపి నశక్నుయత్
జన్మప్రభృతి దేవేశి జనోయం త్వదుపాశ్రితః;
అతోస్య తవ భక్తస్య నిర్వర్తయ మనోరథం
పంచవక్త్రో దశభుజః శుద్ధస్ఫటిక సన్నిభః; వర్ణబ్రహ్మకలాదేహో దేవస్సకల నిష్కళః;
శివమూర్తిసమారూఢః శాంత్యతీతస్సదాశివః ; భక్త్యామయార్చితో మహ్యం ప్రార్థితం సంప్రయచ్ఛతు
సదా శివాంకమారూఢా శక్తిరిచ్ఛాశివాహ్వయా; జననీ సర్వలోకానాం ప్రయచ్ఛతు మనోరథం
శివయోర్దయితౌ పుత్రౌ దేవౌ హేరంబషణ్ముఖౌ ; శివానుభౌ వౌచ శివౌ శివఙ్ఞానామృతాశినౌ
తృప్తౌ పరస్పరం స్నిగ్ధౌ శివాభ్యాం నిత్య సత్కృతౌ; ఆరాధితౌ సదాదేవౌ బ్రహ్మాద్యైస్త్రిదశైరపి
సర్వలోకపరిత్రాణం కర్తుమభ్యుదితౌసదా ; స్వేచ్ఛావతారం కుర్వంతౌ స్వాంశ భేదైరనేకశః
తావిమౌ శివయోః పార్శ్వే నిత్యమిత్థం మయా+అర్చితౌ; తయోరాఙ్ఞాం పురస్కృత్య ప్రార్థితంమే ప్రయచ్ఛతాం
శుద్ధస్ఫటికసంకాశం ఈశానాఖ్యం సదాశివం; మూర్ధాభిమానినీ మూర్తిశ్శివస్య పరమాత్మనః
శివార్చనరతం శాంతం శాంత్యతీతం ఖమాస్థితం ; పంచాక్షరాంతిమం బీజం కలాభిః పంచభిర్యుతం
ప్రథమావరణే పూర్వం శక్త్యా సహ సమర్చితం ; పవిత్రం పరమం బ్రహ్మ ప్రార్థితం మే ప్రయచ్ఛతు

బాలసూర్య ప్రతీకాశం పురుషాఖ్యం పురాతనం; పూర్వవక్త్రాభిమానంచ శివస్య పరమేష్ఠినః
శాంత్యాత్మకం మరుత్సంస్థం శంభోః పాదార్చనే రతం ; తురీయం శివబీజేషు కలాసు చ చతుష్కళం
పూర్వభాగే మయాభక్త్యా శక్త్యా సహ సమన్వితం ; పవిత్రం పరమం బ్రహ్మ ప్రార్థితం మే ప్రయచ్ఛతు
అంజనాద్రి ప్రతీకాశం అఘోరం ఘోర విగ్రహం ; దేవస్య దక్షిణం వక్త్రం దేవదేవ పదార్చకం
విద్యాపదం సమారూఢం వహ్ని మండల మధ్యగం ; తృతీయం శివబీజేషు కలాస్వష్ట కలాన్వితం
శంభోర్దక్షిణ దిగ్భాగే శక్త్యా సహ సమర్చితం ; పవిత్రం పరమం బ్రహ్మ ప్రార్థితం సంప్రయచ్ఛతు
కుంకుమక్షోద సంకాశం వామాఖ్యం వరవేషధృక్ ; వక్త్రముత్తరమీశస్య ప్రతిష్ఠాయాం ప్రతిష్ఠితం
వారిమండలమధ్యస్థం మహాదేవార్చనేరతం ; ద్వితీయం శివబీజేషు త్రయోదశ కలాన్వితం
దేవేశోత్తర దిగ్భాగే శక్త్యా సహ సమర్చితం; పవిత్రం పరమం బ్రహ్మ ప్రార్థితం మే ప్రయచ్ఛతు
శంఖకుందేందుధవళం సద్యాఖ్యం సౌమ్యలక్షణం; శివస్య పశ్చిమం వక్త్రం శివపాదర్చనే రతం
నివృత్తిపదనిష్ఠంచ పృథివ్యాం సమవస్థితం ; ప్రథమం శివ బీజేషు కలాభిశ్చాష్టభిర్యుతం
దేవస్య పశ్చిమే భాగే శక్త్యా సహ సమర్చితం; పవిత్రం పరమం బ్రహ్మ ప్రార్థితం మే ప్రయచ్ఛతు
శివస్య చ శివాయాశ్చ హృన్మూర్తీ శివభావితే ; తయోరాఙ్ఞాం పురస్కృత్య తే మే కామం ప్రయచ్ఛాతాం
శివస్య చ శివాయాశ్చ శిరోమూర్తీ శివాశ్రితే; తయోరాఙ్ఞాం పురస్కృత్య తే మే కామం ప్రయచ్ఛతాం
శివస్య చ శివాయాశ్చ శిఖామూర్తీ శివాశ్రితే; సత్కృత్య శివయోరాఙ్ఞాం తే మే కామం ప్రయచ్ఛతాం
శివస్యచ శివాయశ్చ నేత్రమూర్తీ శివాశ్రితే; సత్కృత్య శివయోరాఙ్ఞాం తే మే కామం ప్రయచ్ఛతాం
శివస్య చ శివాయాశ్చ వర్మిణీ శివ భావితే; సత్కృత్య శివయోరాఙ్ఞాం తే మే కామం ప్రయచ్ఛతాం
అస్త్రమూర్తీ చ శివయోర్నిత్యమర్చన తత్పరే; సత్కృత్య శివయోరాఙ్ఞాం తే మే కామం ప్రయచ్ఛతాం
వామో జ్యేష్ఠస్తథా రుద్రః కాలో వికరణస్తథా; బలో వికరణశ్చైవ బలప్రమథనః పరః
సర్వభూతస్య దమనస్తాద్ర్శశ్చాష్టశక్తయః ; ప్రార్థితం మే ప్రయచ్ఛంతు పరమేశస్య శాసనాత్
అథానంతశ్చ సూక్ష్మశ్చ శివశ్చాప్యేకనేత్రకః; ఏకరుద్రస్త్రిమూర్తిశ్చ శ్రీకంఠశ్చ శిఖండకః
తథాష్టౌ శక్తయస్తేషాం ద్వితేయావరణేడితా; తే మే కామం ప్రయచ్ఛంతు శివయోరేవశాసనాత్
భవాద్యామూర్తయశ్చాష్టౌ తేషామపి చ శక్తయః ; మహాదేవాదయశ్చాన్యే తథైకాదశ మూర్తయః
శక్తిభిస్సహితాః సర్వే తృతీయావరణే స్థితాః ; సత్కృత్య శివయోరాఙ్ఞాం దిశంతు ఫలమీప్సితం
వృషరాజో మహాతేజా మహామేఘ సమస్వనః ; మేరుమందర కైలాస హిమాద్రి శిఖరోపమః
సితాభ్ర శిఖరాకారః కకుదా పరిశోభితః ; మహాభోగీంద్ర కల్పేన వాలేన చ విరాజితః
రక్తాస్య శృంగ చరణో రక్త ప్రాయ విలోచనః ; పీవరోన్నత సర్వాంగః సుచారు గమనోజ్జ్వలః
ప్రశస్త లక్షణః శ్రీమాన్ ప్రజ్జ్వలన్మణి భూషణః; శివప్రియః శివాసక్తః శివయోర్ధ్వజ వాహనః
తథాతచ్చరణన్యాస-భావితా పర విగ్రహః ; గోరాజ పురుషశ్శ్రీమాన్ శ్రీమచ్ఛూల వరాయుధః
తయోరాఙ్ఞాం పురస్కృత్య స మే కామం ప్రయచ్ఛతు ;
నందీశ్వరో మహాతేజా నగేంద్ర తనయాత్మజః ; స నారాయణకైర్దేవైర్నిత్యమభ్యర్చ్య వందితః ;
శర్వస్యాంతః పురద్వారి సార్థం పరిజనైః స్థితః ; సర్వేశ్వర సమప్రఖ్యః సర్వాసుర విమర్దనః ;
సర్వేషాం శివధర్మాణాం అధ్యక్షత్వేభిషేచితః ; శివ ప్రియః శివాసక్తః శ్రీమచ్ఛూల వరాయుధః ;
శివాశ్రితేషు సంసక్తస్త్వనురక్తశ్చతైరపి ; సత్కృత్య శివయోరాఙ్ఞాం సమే కామం ప్రయచ్ఛతు ;
మహాకాలో మహాబాహుర్మహాదేవ ఇవా పరః ; మహాదేవాశ్రితానాంతు నిత్యమేవాభిరక్షితా ;
శివప్రియశ్శివాసక్తః శివయోరర్చకస్సదా ; సత్కృత్య శివయోరాఙ్ఞాం స మే దిశతు కాంక్షితం ;
సర్వశాస్త్రార్థ తత్త్వఙ్ఞః శాస్తా విష్ణోః పరా తనుః ; మహా మోహాత్మ తనయః మధుమాంసా సవ ప్రియః ;
తయోరాఙ్ఞాం పురస్కృత్య స మే కామం ప్రయచ్ఛతు
బ్రహ్మాణీ చైవ మాహేశీ కౌమారీ వైష్ణవీ పరా; వారాహీ చైవ మాహేంద్రీ చాముండా చండ విక్రమా
ఏతావై మాతరస్సప్త సర్వలోకస్య మాతరః ; ప్రార్థితం మే ప్రయచ్ఛంతు పరమేశ్వర శాసనాత్
మత్తమాతంగ వదనో గంగోమా శంకరాత్మజః ; ఆకాశదేహో దిగ్బాహుః సోమ సూర్యాగ్ని లోచనః
ఐరావతాదిభిర్దివ్యైః దిగ్గజైః నిత్యమర్చితః ; శివఙ్ఞాన మదోద్భిన్నస్త్రిదశానామవిఘ్నకృత్
విఘ్నకృచ్చాసురాదీనాం విఘ్నేశః శివభావితః ; సత్కృత్య శివయోరాఙ్ఞాం స మే దిశతు కాంక్షితం
షణ్ముఖః శివ సంభూతః శక్తి వజ్ర ధరః ప్రభుః ; అగ్నేశ్చ తనయో దేవోహ్యపర్ణా తనయః ప్రభుః
గంగాయాశ్చ గణాంబాయాః కృత్తికాయాస్తథైవ చ; విశాఖేన చ శాఖేన నైగమేయేన చ ఆవృతః
ఇంద్రజిచ్చేంద్రసేనానీస్తారకాసురజిత్తథా ; శైలానాం మేరు ముఖ్యానాం వేధకశ్చ స్వతేజసా
తప్తచామీకర ప్రఖ్యః శతపత్రదళేక్షణః ; కుమారస్సుకుమారాణాం రూపోదాహరణం మహత్
శివప్రియః శివాసక్తః శివ పాదార్చకస్సదా ; సత్కృత్య శివయోరాఙ్ఞాం స మే దిశతు కాంక్షితం
జ్యేష్ఠా వరిష్ఠా వరదా శివయోః పూజనే రతా; తయోరాఙ్ఞాం పురస్కృత్య సా మే దిశతు కాంక్షితం
త్రైలోక్య వందితా సాక్షాదుల్కాకారా గణాంబికా; జగత్సృష్టి వివృధ్యర్థం బ్రహ్మణాభ్యర్థితా శివాత్
శివాయాః ప్రవిభక్తాయా భ్రువోరంతర నిష్ఠితః ; దాక్షాయణీ సతీ మేనా తథా హైమవతీహ్యుమా
కౌశికాయాశ్చ జననీ భద్రకాళ్యాస్తథైవ చ ; అపర్ణాయాశ్చ జననీ పాటలాయాస్తథైవ చ
శివార్చన రతా నిత్యం రుద్రాణీ రుద్ర వల్లభా ; సత్కృత్య శివయోరాఙ్ఞాం సా మే దిశతు కాంక్షితం
చండః సర్వగణేశానః శంభోర్వదన సంభవః ; సత్కృత్య శివయోరాఙ్ఞాం స మే దిశతు కాంక్షితం
వృషభో నామ గణపః శివారాధన తత్పరః; పింగళో గణపశ్శ్రీమాన్ శివాసక్తః శివ ప్రియః
ఆఙ్ఞయా శివయోరేవ స మే కామం ప్రయచ్ఛతు
భృంగీశో నామ గణపః శివారాధన తత్పరః ; ప్రయచ్ఛతు స మే కామం పత్యురాఙ్ఞా పురస్సరం
వీరభద్రో మహాతేజా హిమకుందేందు సన్నిభః ; భద్రకాళీ ప్రియో నిత్యం మాతౄణాంచాభిరక్షితా
యఙ్ఞస్య చ శిరోహర్తా దక్షస్య చ దురాత్మనః ; ఉపేంద్రేంద్ర యమాదీనాం దేవానాం అంగ తక్షకః
శివస్యానుచరః శ్రీమాన్ శివశాసన పాలకః ; శివయోశ్శాసనాదేవ స మే దిశతు కాంక్షితం
సరస్వతీ మహేశస్య వాక్సరోజ సముద్భవా; శివయోః పూజనే నిత్యం సా మే దిశతు కాంక్షితం
విష్ణోర్వక్షః స్థితా లక్ష్మీః శివయోః పూజనే రతా; శివయోశ్శాసనాదేవ సా మే దిశతు కాంక్షితం
మహా మోటీ మహా దేవ్యాః పాదపూజా పరాయణా; తస్యా ఏవ నియోగేన సా మే దిశతు కాంక్షితం
కౌశికీ సింహమారూఢా పార్వత్యాః పరమా సుతా ; విష్ణోర్నిద్రా మహా మయా మహా మహిష మర్దినీ
నిశుంభ శుంభ సంహర్త్రీ మధుమాంసా సవ ప్రియా; సత్కృత్య శాసనం మాతుః సా మే కామం ప్రయచ్ఛతు
రుద్రా రుద్ర సమప్రఖ్యాః ప్రమథాః ప్రథితౌజసః; భూతాఖ్యాశ్చ మహావీర్యా మహాదేవ సమ ప్రభాః
నిత్యముక్తా నిరుపమా నిర్ద్వంద్వా నిరుపప్లవాః; స శక్తయస్సానుచరాః సర్వలోక నమస్కృతాః
సర్వేషామేవ లోకానాం సృష్టి సంహరణక్షమాః ; పరస్పరానురక్తాశ్చ పరస్పరమనువ్రతాః
పరస్పరమతిస్నిగ్ధాః పరస్పరనమస్కృతాః ; శివప్రియతమా నిత్యం శివలక్షణలక్షితాః
సౌమ్యాఘోరాస్తథామిశ్రాశ్చాంతరాళ ద్వయాత్మజాః ; విరూపాశ్చ సురూపాశ్చ నానా రూపధరాస్తథా
సత్కృత్య శివయోరాఙ్ఞాం తే మే కామం దిశంతువై ;
దేవ్యాః ప్రియసఖీవర్గో దేవీ లక్షణ లక్షితః
సహితో రుద్రకన్యాభిః శక్తిభిశ్చాప్యనేకశః ; తృతీయావరణే శంభోర్భక్త్యా నిత్యం సమర్చితః
సత్కృత్య శివయోరాఙ్ఞాం స మే దిశతు మంగళం;
దివాకరో మహేశస్య మూర్తిర్దీప్త సుమండలః
నిర్గుణో గుణ సంకీర్ణః తథైవ గుణ కేవలః ; అవికారాత్మకశ్చాద్యః తతస్సామాన్య విక్రియః
అసాధారణ కర్మా చ సృష్టి స్థితిలయ క్రమాత్; ఏవం త్రిథా చతుర్థా చ విభక్తః పంచథా పునః
చతుర్థావరణే శంభోః పూజితశ్చానుగైస్సహ ; శివప్రియశ్శివాసక్తశ్శివ పాదార్చనే రతః
సత్కృత్య శివయోరాఙ్ఞాం స మే దిశతు మంగళం;
దివాకర షడంగాని ఆదిత్యాద్యాశ్చ మూర్తయః
ఆదిత్యో భాస్కరోభానూరవిశ్చేత్యనుపూర్వశః ; అర్కో బ్రహ్మా తథా రుద్రో విష్ణుశ్చాదిత్య మూర్తయః
విస్తారా సుతరా బోధిన్యాప్యాయిన్యపరాపునః ; ఊషా ప్రభా తథా ప్రాఙ్ఞా సంధ్యా చేత్యపి శక్తయః
సోమాది కేతు పర్యంతాః గ్రహాశ్చ శివ భావితాః ; శివయోరాఙ్ఞయానున్నాః మంగళం ప్రదిశంతు మే
అథవా ద్వాదశాదిత్యాః తథా ద్వాదశ రాశయః; ఋషయో దేవ గంధర్వాః పన్నగాప్సరసాం గణాః
గ్రామణ్యశ్చ తథా యక్షా రాక్షసశ్చాసురాస్తథా ; సప్త సప్త గణాశ్చైతే సప్తచ్ఛందో మయా హయాః
వాలఖిల్యగణాశ్చైవ సర్వే శివ పదార్చకాః ; సత్కృత్య శివయోరాఙ్ఞాం మంగళం ప్రదిశంతు మే
బ్రహ్మాథ దేవ దేవస్య మూర్తిర్భూమండలాధిపః; చతుష్షష్టి గుణైశ్వర్యో బుద్ధి తత్త్వే ప్రతిష్ఠితః
నిర్గుణో గుణ సంకీర్ణః తథైవ గుణ కేవలః ; అవికారాత్మకో దేవస్తతః సాధారణః పరః
అసాధారణ కర్మా చ సృష్టి స్థితి లయ క్రమాత్; ఏవం త్రిధా చతుర్ధా చ విభక్తః పంచధా పునః
చతుర్థావరణే శంభోః పూజితశ్చ సహానుగైః ; శివ ప్రియశ్శివాసక్తః శివ పాదార్చనే రతః
సత్కృత్య శివయోరాఙ్ఞాం స మే దిశతు మంగళం;
హిరణ్య గర్భో లోకేశః విరాట్కాలశ్చ పూరుషః
సనత్కుమారస్సనకస్సనందశ్చ సనాతనః ; ప్రజానాం పతయశ్చైవ దక్షాద్యాబ్రహ్మ సూనవః
ఏకదశ సపత్నీకా ధర్మస్సంకల్ప ఏవ చ ; శివార్చన రతాశ్చైవ శివభక్తి పరాయణాః
శివాఙ్ఞావశగాస్సర్వే దిశంతు మమ మంగళం
చత్వారశ్చ తథా వేదాస్సేతిహాస పురాణకాః; ధర్మశాస్త్రాది విద్యాభిర్వైదికీభిస్సమన్వితాః
పరస్పరావిరుద్ధార్థాః శివైక ప్రతిపాదకాః ; సత్కృత్య శివయోరాఙ్ఞాం మంగళం ప్రదిశంత్వి మే
అథ రుద్రో మహాదేవః శంభోర్మూర్తిర్గరీయసీ; వాహ్నేయ మండలాధీశః పౌరుషైశ్వర్యవాన్ ప్రభుః
శివాభిమాన సంపన్నో నిర్గుణస్త్రిగుణాత్మకః ; కేవలస్సాత్వికశ్చాపి రాజసశ్చైవ తామసః
అవికార రతశ్శర్వే తతస్తు సమ విక్రియః ; అసాధారణ కర్మా చ సృష్ట్యాది కరణాత్ పృథక్
బ్రహ్మణోపి శిరశ్ఛేత్తా జనకస్తస్య తత్సుతః ; జనకస్తనయశ్చాపి విష్ణోరపి నియామకః
బోధకశ్చ తయోర్నిత్యమనుగ్రహకరః ప్రభుః ; అండస్యాంతర్బహిర్వర్తీ రుద్రలోకద్వయాధిపః
శివప్రియశ్శివాసక్తశ్శివపాదార్చనే రతః ; శివస్యాఙ్ఞాం పురస్కృత్య స మే దిశతు మంగళం
తస్య బ్రహ్మ షడంగాని విద్యేశానాం తథాష్టకం; చత్వారో మూర్తిభేదాశ్చ శివపూర్వాశ్శివార్చకాః
శివో భవో హరశ్చైవ మృడశ్చైవ తథా పరః ; శివస్యాఙ్ఞాం పురస్కృత్య మంగళం ప్రదిశంతు మే
అథ విష్ణుర్మహేశస్య శివస్యైవాపరాతనుః ; వారితత్త్వాధిపస్సాక్షాదవ్యక్తపద సంస్థితః
నిర్గుణస్సత్త్వ బహుళస్తథైవ గుణ కేవలః ; అవికారాభిమానీ చ త్రిసాధారణ విక్రియః
అసాధారణ కర్మా చ సృష్ట్యాది కరణాత్ పృథక్; దషిణాంగభవేనాపి స్పర్థమానస్స్వయంభువా
ఆద్యేన బ్రహ్మణా సాక్షాత్ సృష్టాస్స్రష్టా చ తస్య తు ; అండస్యాంతర్బహిర్వర్తీ విష్ణుర్లోక ద్వయాధిపః
అసురాంతకరశ్చక్రీ శక్రస్యాపి తథానుజః ; ప్రాదుర్భూతశ్చ దశధా భృగుశాపచ్ఛలాదిహ
భూభార నిగ్రహార్థాయ స్వేచ్ఛయావతరత్ క్షితౌ ; అప్రమేయ బలోమాయీ మాయయా మోహయన్ జగత్
మూర్తీకృత్య మహావిష్ణుం సదా విష్ణుమథాపి వా ; వైష్ణవైః పూజితో నిత్యం మూర్తిత్రయ మయాసనే
శివప్రియశ్శివాసక్తశ్శివపాదర్చనే రతః ; శివస్యాఙ్ఞాం పురస్కృత్య స మే దిశతు మంగళం
వాసుదేవః అనిరుద్ధశ్చ ప్రద్యుమ్నశ్చ తతః పరః ; సంకర్షణస్సమాఖ్యాతశ్చతస్రో మూర్తయో హరేః
మత్స్యః కూర్మో వరాహశ్చ నారసింహశ్చ వామనః '; రామత్రయం తథా కృష్ణో విష్ణుస్తురగ వక్త్రకః
చక్రం నారాయణస్యాస్త్రం పాంచజన్యం చ శార్ఙ్ఞకం ; సత్కృత్య శివయోరాఙ్ఞాం మంగళం ప్రదిశంతు మే
ప్రభా సరస్వతీ గౌరీ లక్ష్మీశ్చ శివ భావితా; శివయోశ్శాసనాదే తా మంగళం ప్రదిశంతు మే
ఇంద్రోగ్నిశ్చ యమశ్చైవ నిరృతిర్వరుణస్తథా ; వాయుస్సోమః కుబేరశ్చ తథేశానస్త్రిశూలధృక్
సర్వే శివార్చన రతాశ్శివసద్భావ భావితాః ; సత్కృత్య శివయోరాఙ్ఞాం మంగళం ప్రదిశంతు మే
త్రిశూలమథ వజ్రం చ తథా పరశు సాయకౌ; ఖడ్గ పాశాంకుశాశ్చైవ పినాకశ్చాయుధోత్తమః
దివ్యాయుధాని దేవస్య దేవ్యాశ్చైతాని నిత్యశః ; సత్కృత్య శివయోరాఙ్ఞాం రక్షాం కుర్వంతు మే సదా
వృషరూపధరో ధర్మః సౌరభేయో మహా బలః ; బాడబాఖ్యానలస్పర్ధో పంచ గోమాతృభిర్వృతః
వాహనత్వమనుప్రాప్తస్తపసా పరమేశయోః ; తయోరాఙ్ఞాం పురస్కృత్య స మే కామం ప్రయచ్ఛతు
నందా సుభద్రా సురభిః సుశీలా సుమనాస్తథా ; పంచ గోమాతరస్త్వేతాః శివలోకే వ్యవస్థితాః
శివభక్తి పరా నిత్యం శివార్చన పరాయణాః; శివయోశ్శాసనాదేవ దిశంతు మమ వాంఛితం
క్షేత్రపాలో మహతేజా నీలజీమూత సన్నిభః; దంష్ట్రాకరాళ వదనః స్ఫురద్రక్తాధరోజ్జ్వలః
రక్తోర్ధ్వ మూర్ధజశ్శ్రీమాన్ భ్రుకుటీ కుటిలేక్షణః; రక్తవృత్త త్రినయనశ్శశి పన్నగ భూషణః
నగ్నస్త్రిశూల పాశాసి కపాలోద్యత పాణికః ; భైరవో భైరవైస్సిద్ధైర్యోగినీభిశ్చ సంవృతః
క్షేత్రే క్షేత్రే సమాసీనః స్థితో యో రక్షకస్సతాం; శివప్రణామ పరమః శివ సద్భావ భావితః
శివాశ్రితాన్ విశేషేణ రక్షన్ పుత్రానివౌరసాన్ ; సత్కృత్య శివయోరాఙ్ఞాం స మే దిశతు మంగళం
తాలజంఘాదయస్తస్య ప్రథమావరణేర్చితాః ; సత్కృత్య శివయోరాఙ్ఞాం చత్వారస్సమవంతు మాం
భైరవాద్యాశ్చ యే చాన్యే సమంతాత్తస్య వేష్టితాః ; తేపి మామనుగృహ్ణంతు శివశాసనగౌరవాత్
నారదాద్యాశ్చ మునయో దివ్యాదేవైశ్చ పూజితాః ; సాధ్యాశ్చైవ తు యే దేవా జనలోక నివాసినః
వినివృత్తాధికారాశ్చ మహర్లోక నివాసినః ; మహర్షయస్తథాన్యే చ వైమానిక గణైస్సహ
సర్వే శివార్చన రతాః శివాఙ్ఞావక వర్తినః ; శివయోః ఆఙ్ఞయా మహ్యం దిశంతు మమ కాంక్షితం
గంధర్వాద్యాః పిశాచాంతాః చతస్రోదేవ యోనయః ; సిద్ధా విద్యాధరాద్యాశ్చ యేపి చాన్యే నభశ్చరాః
అసురా రాక్షసాశ్చైవ పాతాళ తలవాసినః ; అనంతాద్యాశ్చ నాగేంద్రాః వైనతేయాదయోద్విజాః
కూష్మాండాః ప్రేతభేతాళాః గ్రహాభూతగణాః పరే; డాకిన్యశ్చాపి యోగిన్యః శాకిన్యశ్చాపి తాదృశాః
క్షేత్రారామ గృహాదీని తీర్థాన్యాయతనాని చ ; ద్వీపాస్సముద్రానద్యశ్చ నదాశ్చాన్యే సరాంసి చ
గిరయశ్చ సుమేర్వాద్యాః కాననాని సమంతతః; పశవః పక్షిణో వృక్షాః కృమికీటాదయో మృగాః
భువనాన్యపి సర్వాణి భువనానామధీశ్వరాః; అండాద్యావరణైస్సార్థమాశాశ్చదశ దిగ్గజాః
వర్ణాః పదాని మంత్రాశ్చ తంత్రాన్యపి సహాధిపైః; బ్రహ్మాండధారకా రుద్రా రుద్రాశ్చాన్యే సశక్తికాః
యచ్చకించిజ్జగత్యస్మిన్ ఇష్టం చానుమితం శ్రుతం ; సర్వే కామం ప్రయచ్ఛంతు శివయోరేవ శాసనాత్
అథ విద్యా పరాశైవీ పశుపాశ విమోచనీ : పంచార్థ సంఙ్ఞితా దివ్యా పశువిద్యా బహిష్కృతా
శాస్త్రం చ శివధర్మాఖ్యం ధర్మాఖ్యం చ తదుత్తరం ; శైవాఖ్యం శివధర్మాఖ్యం పురాణం శ్రుతి సమ్మితం
శైవాగమాశ్చ యే చాన్యే కామికాద్యాశ్చతుర్విధాః ; శివాభ్యామవిశేషేణ సత్కృత్యేహ సమర్చితాః
తాభ్యామేవ సమాఙ్ఞాతాః మమాభి ప్రేత సిద్ధయే ; కర్మైదమనుమన్యంతాం సఫలం సాధ్వనుష్ఠితం
శైవా మాహేశ్వరాశ్చైవ ఙ్ఞాన కర్మ పరాయణాః ; కర్మేదమనుమన్యంతాం సపలం సాధ్వనుష్ఠితం
లౌకికా బ్రాహ్మణాస్సర్వే క్షత్రియాశ్చ విశాః క్రమాత్ ; వేదవేదాంగ తత్త్వఙ్ఞాః సర్వశాస్త్ర విశారదాః
సాంఖ్యా వైశేషికాశ్చైవ యౌగానైయాయికా నరాః ; సౌరా బ్రాహ్మాస్తథా రౌద్రా వైష్ణవాశ్చాపరే నరాః
శిష్టాస్సర్వే విశిష్టాశ్చ శివశాసన యంత్రితాః ; కర్మేదమనుమన్యంతాం మమాభి ప్రేత సాధకం
శైవాస్సిద్ధాంత మార్గస్థాః శైవాః పాశుపతాస్తదా ; శైవా మహావ్రత ధరాః శైవాః కాపాలికాః పరే
శివాఙ్ఞాపాలకాః పూజ్యా మమాపి శివశాసనాత్ : సర్వే మామనుగృహ్ణంతు శం సంతు సఫల క్రియాం
దక్షిణ ఙ్ఞాన నిష్ఠాశ్చ దక్షిణోత్తర మార్గగాః ; అవిరోధేన వర్తంతాం మంత్రశ్రేయోర్థినో మమ
నాస్తికాశ్చ శఠాశ్చైవ కృతఘ్నాశ్చైవ తామసాః ; పాషండాశ్చాతి పాపాశ్చ వర్తంతాం దూరతో మమ
బహుభిః కింస్తుతైరత్ర యేపి కేపి చిదాస్తికాః ; సర్వే మామనుగృహ్ణంతు శం సంతు మమ మంగళం
నమశ్శివాయ సాంబాయ ససుతాయాది హేతవే ; పంచావరణ రూపేణ ప్రపంచేనావృతాయ తే
ఇత్యుక్త్వా దండవద్భూమౌ ప్రణిపత్య శివం శివాం; జపేత్పంచాక్షరీం విద్యాం అష్టోత్తర శతావరాం
తథైవ శక్తి విద్యాం చ జపిత్వా తత్సమర్పణం ; కృత్వా క్షమాపయిత్వేశం పూజాశేషం సమాపయేత్
ఏతత్పుణ్యతమం స్తోత్రం శివయోర్హృదయంగమం ; సర్వాభీష్టప్రదం సాక్షాత్ భుక్తి ముక్త్యేక సాధకం
య ఇదం శ్రుణుయాన్నిత్యం కీర్తయేద్వా సమాహితః ; స విధూయాశు పాపాని శివ సాయుజ్యమాప్నుయాత్
గోఘ్నశ్చైవ కృతఘ్నశ్చ వీరహా భ్రూణహాపివా ; శరణాగతఘాతీ చ మిత్రవిశ్రంభఘాతుకః
దుష్టః పాప సమాచారో మాతృహా పితృహాపి వా ; స్తవేనాయుత జప్తేన తత్తత్పాపాత్ప్రముచ్యతే
దుఃస్వప్నాది మహానర్థ సూచకేషు భయేషు చ ; యది సంకీర్తయేదేతన్నతోనర్థ భాగ్భవేత్
ఆయురారోగ్యమైశ్వర్యం యచ్చాన్యదపి వాంఛితం; స్తోత్రస్యాస్య జపే నిష్ఠస్తత్ సర్వం లభతే నరః
అసంపూజ్య శివం స్తోత్ర జపాత్ ఫలముదాహృతం ; సంపూజ్య చ జపేత్తస్య ఫలం వక్తుం న శక్యతే
ఆస్తామియం ఫలావాప్తిరేతస్మిన్ కీర్తితే సతి ; సార్థమంబికయా దేవః శ్రుత్వేదం దివి తిష్ఠతి
తస్మాన్నభసి సంపూజ్య దేవదేవం సహోమయా ; కృతాంజలి పుటస్తిష్ఠన్ స్తోత్రమేతదుదీరయేత్
ఇత్యార్షే శ్రీ శైవే మహాపురాణే వాయవీయ సంహితాయాం ఉత్తరభాగే చతుర్వింశోధ్యాయః

శ్రీ సాంబశివార్పణమస్తు